"ХҮҮХЭД❤️ХАЙР❤️ИРЭЭДҮЙ" ХҮҮХДИЙН БАЯРЫН АРГА ХЭМЖЭЭ Олон улсын хүүхдийн эрхийг хамгаалах өдрийн мэнд хүргэе🤩

ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙН МЭНД ДЭВШҮҮЛЬЕ 1924 онд Женев хотноо "Хүүхдийн сайн сайхны төлөө дэлхийн чуулга уулзалт" болж 6 дугаар сарын 01-ний өдрийг дэлхий нийтээрээ "Хүүхдийн эрхийг хамгаалах Олон улсын өдөр" болгох уриалга гаргаж байсан. Монгол улс "Нийтээр тэмдэглэх баярын болон тэмдэглэлт өдрүүдийн тухай" хуулинд уг өдрийг оруулж 1952 оноос жил бүр тэмдэглэж ирсэн. Өмнөговь аймгийн хэмжээнд энэ жил Монгол Улсад Хүүхдийн байгууллага, хөдөлгөөн үүсэж хөгжсөний түүхт 100 жилийн ойг тохиолдуулан ХҮҮХЭД-ХАЙР-ИРЭЭДҮЙ уриан дор тэмдэглэн өнгөрүүлнэ.

#Өмнөговь_аймгийн_Хүүхдийн_эрхийн_хууль_зүйн_хорооны_өргөтгөсөн_хуралдаан Цогтцэций суманд амжилттай зохион байгуулагдлаа. Тус хуралдаанд Даланзадгад, Ханбогд сумын Хүүхдийн эрхийн хууль зүйн хорооны гишүүд, Ханбогд, Цогтцэций сумын хамтарсан багийн дарга, гишүүд, багийн Засаг дарга нар оролцож, Цогтцэций, Ханбогд сумын #хамтарсан_багийн 2025 оны үйл ажиллагааны төлөвлөгөөний хэрэгжилт, тулгамдаж буй асуудал, ажиллаж буй кейсүүдтэй танилцаж, цаашид хэрхэн ажиллах талаар Хорооны гишүүд хариуцсан чиг үүргийн дагуу зөвлөмж өгч ажиллаа. #Энэ_удаа Өмнөговь аймгийн ХҮҮХДИЙН ЭРХИЙН ХУУЛЬ ЗҮЙН ХОРООНЫ ГИШҮҮД 100 ХУВИЙН ИРЦТЭЙГЭЭР ОРОН НУТАГТ ӨРГӨТГӨСӨН ХУРАЛДААН ЗОХИОН БАЙГУУЛЖ сум орон нутагт тулгамдаж буй асуудлыг сонсож, цаашид салбар дундын хамтын ажиллагааг сайжруулах, анхан шатны нэгж багийн Засаг дарга нар, сургуулийн хүүхэд хамгааллын баг нөхцөл байдлын үнэлгээг бодитой хийж, эрсдлийн судалгааг үнэн зөв хийж, эрсдэлт нөхцөлд шаардлагатай хариу үйлчилгээг цогцоор үзүүлэх шаардлагатай байгааг онцлон тэмдэглэв.

Өмнөговь аймгийн Хүүхдийн эрхийн хууль зүйн хорооны гишүүдийг чадавхижуулах сургалт өргөтгөсөн бүрэлдэхүүнтэй зохион байгуулагдаж байна. Чадавхижуулах сургалтыг үндэсний зөвлөх МУГБагш Х.Баавгай, Жавзанхүү нар чиглүүлж байна. Аймгийн Засаг даргын орлогч, ХЭХЗХорооны дарга Б.Занабазар сургалтыг үйл ажиллагааг нээж хэлсэн үгэндээ: "Өсөлттэй Өмнөговь" Засаг даргын мөрийн хөтөлбөрийг хэрэгжүүлэх явцад хүүхдийн эрхийн хэрэгжилтийг сайжруулах, эрх нь зөрчигдсөн хүүхэд бүрт үйлчилгээ хүргэх, эрхийг нь хамгаалахад ХЭХЗХорооны гишүүн бүр хариуцлагатай ажиллахыг чухалчиллаа. Энэхүү сургалтын үр дүнд хорооны гишүүн байгууллага бүр чиг үүргээ хэрэгжүүлж, салбар дундын хамтын ажиллагаа илүү сайжрах юм.

ХҮҮХДИЙН ТӨЛӨӨ ЗӨВЛӨЛИЙН ӨРГӨТГӨСӨН ХУРАЛДААН ЗОХИОН БАЙГУУЛАГДАЖ СУМДЫН ЗАСАГ ДАРГА НАР, ЗӨВЛӨЛИЙН ГИШҮҮДЭД АЙМГИЙН ЗАСАГ ДАРГААС ҮҮРЭГ ЧИГЛЭЛ ӨГЛӨӨ Хүүхдийн төлөө зөвлөлийн өргөтгөсөн хуралдааныг 2025 оны 03 дугаар сарын 21-ний өдөр зохион байгуулан хуралдаанаар зөвлөлийн гишүүд болон сумдын Засаг дарга нарт дараах асуудлуудад анхаарч ажиллах, арга хэмжээ зохион байгуулах үүрэг чиглэлийг аймгийн Засаг дарга, Хүүхдийн төлөө зөвлөлийн тэргүүн Н.Энхбат өглөө. Үүнд: 1. “Электрон тамхинаас татгалзаж ирээдүйгээ хамгаалцгаая” аяныг орон нутагт бүх шатанд хамтран зохион байгуулах 2. Сургуулийн амралт эхлэх гэж байгаатай холбогдуулан эцэг эх, асран хамгаалагчийн хараа хяналтыг сайжруулах, сурагчдын амралтыг үр дүнтэй өнгөрүүлэх талаар үйл ажиллагаа зохион байгуулах 3. Хүүхдийн байгууллагын 100 жилийн ойн үйл ажиллагааны хүрээнд зохион байгуулагдах арга хэмжээг хамтран зохион байгуулах 4. Бага насны охидын бэлгийн хүчирхийлэлд өртөх байдал, бэлгийн замын халдвар, зам тээврийн осол эндэгдэл, гэр бүл салалтын асуудалд анхаарч дорвитой арга хэмжээ авч, урьдчилсан сэргийлж ажиллахад анхаарч ажиллах чиглэл өглөө.